A mela u vechju scarpu è u bichjeri d’acqua
Pinsaiami ch’eddi si pudiani intenda
A pinsaiami talmenti chè
L’avemu lacati soli
Senza primura
Di ciò ch’eddu pudia succeda
Ùn si sò micca aduniti
Si sò ancu liticati
A mela è u scarpu vuliani bia
Tremindù
À u calciu di u scarpu hà risposu
U ghjastemu di a mela
U bichjeri ch’ùn era d’accunsentu
Par dà a so acqua
L’hà lacati intazzà si
À chì pò mai serva un bichjeri d’acqua
Quand’ùn ci hè più nimu
Par stancià si ?