Piglieraghju a strada, per ghjunghje accantu à tè
Insulcheraghju a furesta a muntagna è a piaghja
Oghje u mo celu hè foscu, campu senza piacè.
Anderaghju, pensosu cù l’ochji senza sguardu
Senza vede i fiore, senza sente l’acellu
Solu, rimitu,errante, u spinu aghjumpatu
Ùn s’alza più u sole oghje à u mo purtellu.
À me pocu m’impreme sì u sole si spenghje
Sì l’attrachju ne casca, in lu mare luntanu
Versu tè anderaghju, per pone senza pienghje
Nant’à u to tumbinu, un mazzulu di scopa in granu.
D'appress'à "Demain à l'aube" di Victor Hugo