Conca stefanu - Ghjallinuccia

Ghjallinuccia sarà vera ?
Dimmi ghjallinuccia nera.
L’ovu chì tù teni à fiancu
S’ellu hè neru o s’ellu hè biancu ?

Ghjallinuccia ùn mi sbagliu
U to capu hè piumigiallu.
Ma l’ovu chì t’ai à fiancu
Dimmi s’ellu hè giallu o biancu ?

Ghjallinuccia sempre in mossa
Dimmi ghjallinuccia rossa
L’ovu chì tù teni à fiancu
S’ellu hè rossu o s’ellu hè biancu ?

Ghjallinuccia mai stanca
A sò ghjallinuccia bianca
L’ovu chì tù teni à fiancu
Sò sicuru ch’ellu hè biancu !