Un tesoru di primura
À u forte era liatu
È l’avia pè vestura
Aleria, à lu to latu
Ti curava bella sicura
Ogni mumentu beatu
È una vita di virdura
Lu to fustu attunatu
Le to fronde in sculpitura
Per noi, era diventatu
Un Maestru di pittura
Sott’à u celu spurgulatu
À mezu à l’aria pura
Era l’alburu incantatu
Pè e capre di a pianura
Ma u tempu s’hè firmatu
Oghje, senza paura
U ventu t’hà trascuratu
Ma lu pastore ind’a bughjura
Cum’un veru innamuratu
Canta la to andatura
Un lamentu cundannatu
À a sorte di a natura...