Da a bughjura in a so strinta
Pozzu niellu duv’omu s’annega
Chjam’un Diu à sent’ a me prighera
Pè a mio alma fiera è mai vinta
Mentre e stonde e più crudelle
Ùn ci aghju ne mughjatu ne pientu
Da sta vita di piaghe murtale
Stocu arrittu è ùn mi lamentu
Pè sti lochi d’odiu è di tristezza
S’avvicina a falce di a morte
Ùn a sò ciò chì m’aspetta la sorte
Ma di a paura n’aghju a disprezza
Ch’ellu sia duru lu viaghju
Puru sianu parechje e ghjasteme
In manu ci aghju u mio avvene
Di la mio alma socu u capitanu.
D'appress'à "Invictus" di William Ernest Henley