Valentini saveriu - I corbi bianchi

hè sicura ùn muraremu mai
eiu socu parchì
ma u sintimu tutti
l'urrulu di l'animala firita
st' agunia chì ci affoca pianu pianu
'ssu calcosa chì si ni và
è chì femu no
l'avaremu fattu l'impussibuli

eddi sì
sò vultati
ripigliani fiatu
i corbi bianchi
l'astutezza pura
à rifà ci i lizzioni
sò vultati
cunnoscu a so musica
'ssa manera di piglià a pratesa d'inzù
sò vultati
à nomu di l'universali chì saria l'altrò
di l'appartura
di a cultura maiori
a vera
a sola
l'unica

a socu
chè vo vi ricunnisciti
pronti sta volta
à sparta vi u catavaru
sbarrazzà par sempri
ciò chì vi ferma di vargogna

povari à vo
sè vo sapissiti quantu vi lagnu
sè vo sapissiti
ùn sareti mai chè una copia                                 
una cumparsa
un nudda
cumpariscia
ùn sarà mai essa

à no
ci firmarà u mughju di i mazzeri
'ssu brionu
st'anima
chè vo ùn saretti risciuttu à tumbà
è ùn sarà nudda d'altru chè a vita