O chì piacè in issi tempi
D’esse un’acula marina
Chì si trova in pocu tempu
Da chì fassi un bellu spuntinu
Senza fanne troppu sforzu
Nè di i cumpagni u rinforzu
O ma chì campazione oghje
D’esse un topu di cità
Chì à tutte l’ore eiu manghju
Chì cum’è granu hè suminata
Quì pocu m’impreme a ghjente
Facciu manghjà a me sumente
Ma chì scianza per a luvietta
Di pudè nutrì i so cignalotti
Cum’è per noi una barchetta
Di robba surtite da l’ortu
Senza battesi per manghjà
I so ciucci ponu ingrandà
Di a pusizione hè megliu à ride
Ma u prublema hè ben quì
A pulitica ella decide
Ma a rumenza ùn sminuì
Muralizeghja a pupulazione
Senza purtà a suluzione
Infine per muralizà
Quelli à chì pruffita à ghjittà
S’è a situazione attuale
Per l’animale hè cappale,
Di l’animale u fanale
Per i zitelli serà u male.