In Borgu com’è in tempi fà
U carrughju ùn hè cambiatu
A ghjenti hè sempri à chjirlà
In purtoni o in puntinu
In caffè à u spuntinu
I panni svintuleghjani
Nant’à a corda d’u balconi
I ziteddi briuneghjani
Ghjuchendu à mezu stradoni
A campana in Sà Ruccheddu
Si faci senta un pucareddu
Di u Borgu sò un ziteddu
È vogliu cuntà la storia
Di stu carrughju punteddu
D'Aiacciu la so mimoria
A pisciaghja sciariteghja
Lampendu una voci acuta
Ogni tantu taruccheghja
Inc’una finezza astuta
Di sta manera aiaccina
À l’usu di a vulpina
Di u carrughju ogni casa
Hè à porta spalancata
Nimu ùn ci faci casu
Si dà sempri un’affaccata
Sia pà cuntà a soia
In cerca à fà dì a toia
Di u Borgu sò un ziteddu
È vogliu cuntà la storia
Di stu carrughju punteddu
D'Aiacciu la so mimoria
In pusonu nant’à a scalina
I donni brusgiani u caffè
U balsamu s’incammina
Da ogni stretta à San Francè
Com’è un soffiu di benistà
Nant’à un campà di puvertà
I tempi sò à straziera
Ma l’aiutu hè cutidianu
Campacciemi à spartera
Ci tinimi apparlamanu
Parchì senza a fratiddanza
Ùn ci saria a spiranza
Ogni tantu hè un bisognu
Di francà a galleria
In fondu ci stà u sonniu
Carcu di a nustalgia
D'un tempu di a ghjuventù
Di una volta è mai più
Di u Borgu sò un ziteddu
È vogliu cuntà la storia
Di stu carrughju punteddu
D'Aiacciu la so mimoria