L’uceanu di u to core
Mi cummove sempr’avà
Chì u corsu d’u mo fiume
U m’hà lasciatu purtà
A nave di u vechj’amore
Svia ver’di l’Al di là
Torna quantu terrore
Quanti sugnacci à ammazzà ?
A timpesta di i mari à francà
Sparghje annant’à l’acqua e so rise à sguassà
Cresce u marifurore
È tanti viaghji à cuntà
N’aghju milli mondi d’oru
Quante ire à palisà ?
Aghju intesu u rimore
Di e sciume à sbuffulà
Tutt’e speme, tant’ardore
È u desideriu di scappà
L’orizonte di u neru scurdà
Pare crudele è luntanu per chì sà ballà