I so suspiri risonanu in u mio capu
Per tante stagione, o quantu volte
Ne ghjunse da mille e parti u scialbu,
Di miseria cascata in frisgi di sangue
Tucchendu ogni latu di u mondu vivu
E terre piucate, addulurate è stanche
Lacrimendu figlioli, preghendu à Diu.
Eiu sò suldatu chì ne vense d’altrò
Culpitu da un siscu in e mio vene
D’un marinaru chì à u mare andò
Bramosu di vultà da custruì l’avvene.
S’eo sò abbandunatu à u ricordu
Vogliu testimunià di a vita vera
Chì da i zitelli ne fù fatta ghjocu
È vi mandu duie parolle di guerra.