In u soffiu graditu
S’hè spintu lu chjarore
Di ‘ssa strada fiurita
Hè ghjuntu l’amarore
Una stonda ferita
Senza cuntà nè l’ore
Nè quella pruibita
Hè venutu u Signore
À cantà l’infinitu
Anch’ellu cù ardore
Hà scrittu la to vita
In u quaternu d’oru
È la pena sculpita
Di un passu d’onore
È l’ultimu accanitu
Stampatu in culore
L’inchjostru riveritu
La to alma in scrittore
U fogliu cuncipitu
Pè dì senza discorre
A bandera in sfida
Ch’U Maestru ùn po more
A lotta hè rinvivita...