si seranu ingrisgiati
è chì li to ochji belli
ùn seranu più basgiati
da le labbre innamurate
in veranile sirate.
S'è quandu le to canzone
più seranu ascultate
è chì le to gran passione
ti seranu rimandate
cù li venti di i ghjelosi
di quelli inverni fritosi.
S'è quandu li serinati
si ne seranu spannati
è po chì l"innmurati
tutti seranu scappati
cun la musica fidata
à la ghitara liata.
Tandu si rigretterai
quellu tempu scapulatu
è forse ti penserai
ch'ùn ne ai prufittatu
di li fiori di la vita
avà ch'ella hè finita.
Ùn aspettà venga l'ora,
ùn n'hè micca sempre festa
è piglia ti la à bonora
è sia tù la più lesta.
E felicità umane
ùn aspettanu à dumane.