scambii culori, ogni stagione ogni ora
meraviglia di a piaghja di lu seccu
carnevale di creste è munticelli
Splendore appesu à lu celeste
di veranu scioglie u nivaghjone
si discetanu tutti li to rughjoni
avà sì nuda, nuda è trasparente
Ogni tantu vuleria cum'è tè esse di petra
pè mai più risente, nè rispettu, nè affettu
Splendore paradisu di l'altore
cime terrane liate à l'arcane
pè sempre innucente è pudente
guarda à 'ssu mondu è ritene lu mo pientu
Sfilancicheghja la nebbia, diventi tutta negra
l'attrachju si ne scappa, a notte t'hà pigliatu
Splendore, splendore, splendore.