Neri jean michel - Omu

Risplende a vittoria di l’omu orgugliosu
À colpi di bulldozer è di sega à mutore
Cù tantu pretenzione è cun pocu sudore
Custruice un mondu ancù più maestosu

A vita chì l’hà fattu, l’hà chjamata “l’Ambiente”
Un simplice quaternu o puru un ministeru
Di Natura riduta in un cuncettu esteru
Cum'è s'è l’omu novu ùn ne facìa parte

L’arcanu d’a so vita diventa capatoghju
È l’eterna billezza a ci tene in odiu


Di a pianeta sana s’hè pruclamatu u Sgiò
In una transumana onniputente gloria
Ma si sò chjosi l’ochji è s’hè spenta a mimoria
D’un omu sminuitu chì si pensa maiò

L’arcanu d’a so vita diventa capatoghju
È l’eterna billezza a ci tene in odiu