L’angoscia di i sulleoni
In u silenziu di Sepula.
Sentu l’oschime dopu à u focu.
U biancore di i sciappali spampigliulanti
Abbagliuleghja i sensi.
Sbuffuleghju sottu
à issa sciappittana.
U sole s’affosca,
I so ragi brusgianu.
Mi vene in core u rossu
Di a statina assuffucante
È u giallu sbiadatu di u granu
Siccatu à u sole.
Di l’omu chì avanza in u solcu.
E sfiere di a vita
Cum’è girasoli chì sventuleghjanu
Sfidanu u tempu.