À mez’ à u serenu, fà ci
nasce a timpesta
Forse chì pudaremu, gode
un altru destinu
È fà quì tutt’inseme un
più bellu caminu
Quandu bastarà l’omu
d’arruvinà i lochi
Ch’anu accoltu e so
rise, da zitellu i so ghjochi
Forse chì pudaremu,
ritruvà quelli chjassi
Chì sott’u lamaghjone,
bramanu chì ci passi
È rinnuvà i passi d’un
avvene in cumunu
Da omi è donne pari
senza scurdà nisunu
Quandu turnarà l’omu, à
curà li so orti
Ch’ellu ùn pigliarà più
i viottuli i più torti
Forse chì pudaremu,
rinnuvà quella vita
Chì oghje sott’i colpi,
hè sempre più ferita
Quandu parlarà l’omu, a
so lingua d’u core
Ch’ellu vultarà quì à
campà le so ore
Forse chì pudaremu, dà
un fiatu à ste lotte
Sbalancà una à una di u
futuru e porte