Raffini cisariu - Canzone d'auturnu

Digià l'auturnu
Incù i pienti
D'u viulinu
Tempu hè suturnu
Tanti rimpienti
Aghju u musinu
Pienti rastigni
Feriscenu u core
Sò maligni
Dop'à tant'ore
Tuttu hè nucivu
Vechju è vivu

S'o facciu u puntu
Sbiadiscu prestu
Scappa u pientu
À chì sò ghjuntu
Chì campà fù questu
À u mio latu
Tantu mi pentu
Ferta aperta
Vocu à more
Per di un erta
Trattu mi viaghja
Sò pula d'aghja

O quella foglia
Chì ventu punta
Ùn aghju perdonu
Per mè, sta voglia
Ùn c'hè bunta
Ùn c'hè stu donu
Sò di viotu pienu
È à sicutera
Mi sentu vene menu
Venga a lumera
Di Natale giucondu
Ùn sò per stu mondu

D'appressu à "chanson d'automne" di Verlaine