Sta mane mi sò priparata
à fà l’ultimu viaghju
mi sò impannata è lavata
à l’ora ghjusta partaraghju
Aspettu senza lagnanza
ùn c’hè à scappà da a scola
par mè ùn c’hè più spiranza
sò vechja, malata è sola
Hè ghjunta à pichjà à u purtellu
ammantata di neru è preputente
vularia metta u me mantellu
pà essa prisintata à a ghjente
Ma Falcina ùn mi stà à sente
hè prissata pà travaglià
l’aspettanu altre pretendente
è par mè ùn pò micca aspittà
Ancu sì li dumandu un favore
m’hà dighjà datu a sintenza
ùn vo' sente nè puzza nè odore
ciò ch’ella hà dettu hè prepunderenza
Prima l’ora ùn hè ora
ma quandu ella veni ci vole à andà
tardi in a nuttata o di bon' ora
hè ella ch'e devu suvità