Ti ne vai in pulvina
U to machjone stirpatu
Un gran' focu u ruvina
Omu t'hà assassinatu
Fulena contr'à sciavina
Una manu scellerata
Hà aspettatu lu ventu
Un'antra l'hà aiutata
Cagiunendu u spaventu
Kalliste attorniata
Annirisce in un lamentu
U focu d'una vampata
Si rode à Cursichella
A natura sfigurata
Suspira a poverella
Terra sacra divastata
Perde a so bona stella
L'omi in rossu cun ardore
Affruntanu sti mistiochi
Straziendu ind'u calore
Salvanu i nostri lochi
Ci tocca à rende onore
À i corsi spenghjifochi.