À cinqu’ore di sera.
Eranu cinque ore in puntu.
Un zitellu purtò un pannu biancu.
À cinqu'ore di
sera.
Una coffa di calce viva
à cinqu'ore di sera.
È tuttu era morte, solu morte,
à cinqu’ore di sera.
U ventu hà spazzatu i cutoni
à cinqu'ore di sera.
L'ossidu paria cristallu è nichellu
à cinqu’ore di sera.
Eccu a lotta trà culombu è leopardu
à cinqu'ore di sera.
A coscia cù a corna afflitta
à cinqu’ore di sera.
Principianu i chjochi di ciccona
à cinqu'ore di sera.
E campane d'arsenicu è di fume
à cinqu'ore di sera.
E quatrere di i carrughji adunite di silenziu
à cinqu'ore di sera.
U toru solu à core arrittu !
à cinqu'ore di sera.
Quandu un sudore di neve ghjunse
à cinqu'ore di sera.
È chì l'arena si cuprò d'iodu
à cinqu'ore di sera.
A morte fece l'ove in la ferita
À cinqu'ore di sera.
À cinqu'ore di sera in puntu.
Una bara in catalettu
à cinqu'ore di sera.
E pìrule li sonanu à l'arechje
à cinqu'ore di sera.
U toru li mughjava di fronte
à cinqu'ore di sera.
A stanzia s'iricia d'agunia
à cinqu'ore di sera.
Eccu di l'aldilà venuta a cancarena
à cinqu'ore di sera.
Tromba d'irice in l'anguinaghja verde
à cinqu'ore di sera.
E ferite brusgente cum'è soli
à cinqu'ore di sera.
È a folla rumpia i purtelli
à cinqu'ore di sera.
À cinqu'ore di sera.
Ah, terribbile cinqu'ore di sera !
Eranu cinqu'ore à tutti l'oriloghji !
Eranu cinqu'ore d'ombra in la sera !
D'appress'à "Lamentu per a morte di Ignacio Sanchez Mejias" di Federico Garcia Lorca.