Ne scaldi ogni cuscenza
È chì nant’à ogni molu
Ne sbarchi a tullerenza
È soffi in stu paisolu
U ventu di a fratellanza
E ruste di a memoria
Le sianu sempre accese
Quelle di l’antica storia
Anima di u paese
È cum’è l’eterna gloria
Avè l’ ale sempre stese
U sguardu di l’antenati
Pienu d’amore è d’affettu
Fideghja i so suminati
Eppo li chere rispettu
I tempi ne sò cambiati
Nulla n’hè mai perfettu
Ma dumane cum’è eri
Sempre cù curaghju è fede
Cum’è quell’omi fieri
Feramu u nostru duvere
Capu rittu è altieri
È senza teme pudere
Stu paese hè u nostru
Nisunu ci pò pratende
Di quell’ omi di morsu
A memoria ùn hè à vende
È di quellu anticu corsu
L’anima mai ùn spenghje
Avemu u paese da fà
Tutti inseme è cù unione
È ci tocca à marchjà
Nant’à i passi di babbone
U veranu fiuriscerà
Dumane pè ogni fucone