Mi n’anderaghju. Sò quant’è tè, u to aspettà.
À visticà i valdi, à batte issa muntagna,
Di più, ùn a ci facciu à fà meiu u scartà.
M’aghju da passà, ochjiserrata, à di per mè,
Senza capivultà, senza mancu ascultà.
Sola, ghjimbata, e mani strette da l’ohimè,
Trista, u ghjornu mi serà paru à l’annuttà.
Da tralascià questu induratu à l’orizonte,
I vascelli à vugà senza nisun timore,
Ghjunghjeraghju à tè, da porghje à la to tomba,
Una rosula gialla annacquata d’amore.
D'appress'à "Demain dès l'aube" di Victor Hugo