Di u celente in libertà
Monte Renosu abbandunatu
In u silenziu si ne stà
Paglia Orba cusì beata
In u mumentu à inventà
Fideghja Golu chì hè liatu
O Cinque Frati pè festighjà
A Castagniccia hè incantata
Li so paesi per dignità
Cù San Petrone à lu so latu
Sempre per ella canterà
Una canzona prufumata
Di la so cima chì sunerà
Cum’un lamentu diventatu
Un cantu di fraternità
Ci hè una punta arradicata
À una lotta à suminà
Monte Rotondu hè cundannatu
D’esse terra d’identità
Alzà lu visu à l’attrachjata
Ci ferà ancu trimulà
Monte Incudine veru suldatu
Si tene prontu per acquistà
O lampà una serinata
À u più bellu da quallà
Monte Cintu smaravigliatu
Sempre in Niolu camperà...