Guidatu da a stagione
S'appronta u pastore
Incù lu so bandaglione
À tralascià u bullore
Di l'anzianu padulone.
Quand'hè tempu di sighera
Dopu fattu Sant 'Antone
È chi a piaghja s'addispera
D'un riceve acquazzone
Vene l'ora d'a muntagnera
Ci vole à cambià di reghjone.
Tandu si piglia l'altura
À circà lochi più pieni
Ci si trova a virdura
Incù ochjanili freschi
Cusi ricca 'ssa pascura
Da incantà capr'è becchi.
Quassu ci stà u stazzale
Impastatu di tradizione
Chì quelli di u lucale
Da tante generazione
Anu sappiutu intrattene
Cù a forza di a ragione.
Oghje ci tocc'à mantene
Cù u stintu naturale
Tutte le so faccende
Sin'à noi tramandate
Da ch'ellu franchi l'avvene
U sputicu usu nustrale.