à ghjace
in u ricordu fondu
ch’è no chjamemu isule
Ci stemu sintinelle
à curà battelli fantasime
o puru acelli vani
in u so ballu cecu
à cuntemplà l’eroe
a so questua ardita
Sò paesi quessi
di u cumenciu
à l’affaccà di soli splendurenti
chì strughjenu in u sguardu
cum’è u sale in mare
Litanie di soli...
Paesi
traculini di fole
duv’ella chjama lesta a voce
strappendu u frundame
infinitu d’un fiume…
È po tù
issu paese
da u visu bramatu
da u corpu merezu
isula d’accunsentu
ch’ascoltu è ch’o feghju
impaziente
Anticu amore meiu
indocile amore…