ùn ti dò più à manghjà, tira solchi è sumena"
u tissaghju m'hà dettu : "cosgi, datti 'ssa pena"
è u muratore : "piglia a to mescula in manu"
Solu è abbandunatu da u generu umanu
trascinendu dapertuttu 'ssa trista cundanna
quandu chiria cumpassione à u supranu
truvava per istrada più velenu chè manna
Mi svegliai ùn sapendu sì l'alba era reale
fiscavanu nantu à a scala cumpagni arditi
tilaghji cantavanu sopra à meli fiuriti
Capii a mo furtuna è ch'in 'ssu mondu avale
nisunu pò vantassi di fà senza i so pari
è dapoi 'ssu ghjornu mi sò ancu più cari.
D'appress'à "Un songe" de Sully Prudhomme