Asculteti bè o cari
O chì tamantu
scumpientu
A vi mostra la natura
A vi dici lu sapientu
Induva c'era
tant'orti
'ssi lochi maravigliosi
Sò divintati un disertu
È di i più spavintosi
À tempu à li nostri vechji
Pari chì tuttu fussi mortu
Avà l'omu ùn sà più
S'edd' hè in mari o in portu
Ne parlemu d'issu mari
Ma chì n'avaremu fattu
Da vicinu o da luntanu
Si risenti hè malatu
D'issu locu rinumatu
Di bataglii è di sparteri
Puru pà tuccà lu fondu
Ùn ci hè più cà miseri
Iè chì n'avemu fattu
D'u Meditarràniu anticu
Un veru rumenzulaghju
Pienu zuffu di plàsticu
Senza alcuna pratinzioni
Nè mancu pisendu a boci
Chjamaraghju à ognunu
Pà purtà tamanta croci
Sè vo mi sintiti o cari
Tandu saraghju cuntentu
Ma ancu s'edd'ùn mi piaci
La me parolla hè pientu