Begnini guidu - Anu assassinatu un arburu

Anu assassinatu un arburu.
L'arburu di pace.
Anu assassinatu un amicu,
l'alivu di l'antichi.

U celu, u sole, u ventu, l'acelli,
l'accarizzavanu da tempi landani.

Oghje celu, sole, ventu, acelli,
pienghjenu l'alivu mortu.
Spezzate le so frolle rame,
sfrundatu lu so mantellu,
spargugliatu in pianu è tristu
s'hè disfattu u so frudame d'argentu.
O chì lamentu. O chì scumpientu.

O quantu mi sentu solu
è chjodu l'ochji è dolu
quella canzona di u ventu  chì sta mane
passendu sussura
a morte di l'arburu di pace.