Hà fattu parechji culpacci.
Passighja nant'à a piazza Santu Niculà
In Bastia
Ùn ricunnosce più nisunu
Nisunu chì u ricunnosce
Hè tristu, tristu.
Entra in una cantina per manghjassi un figatellu
Ma ùn pò micca ingolle
Ci hè qualcosa chì hè in bisbò.
Paga
Sorte
S'accende una sigaretta
Ma ùn pò micca fumà
Ci hè qualcosa
Qualcosa in a so mente
Qualcosa gattiva
Hè ancu più tristu
Hè di colpu s'arricorda
Qualchissia lu avia dettu quand'era zitellu :
"U palcu ti scaperà !"
È in u mentre ch'è l'anni passavanu
Ùn hà osatu di fà nunda
Mancu francà u carrughju
Mancu andassine nant'à u mare
Nunda nunda.
Si ricorda
Ghjè u ziu, quellu chì avia tuttu preditu
Ranficatu
U ziu
Quellu ch'annuchjava à ognunu
Piombu !
È quellu Corsu pensa à a so surella
Chì travaglia in Vaugirard
À u so fratellu, mortu à a guerra
Pensa à tutti l'affari ch'ellu hà vistu
Tutti l'affari ch'ellu hà fattu
Stringhje u core in a so pettu
Una volta di più, piglia una sigaretta
Ma ùn hà brama di fumà
Allora, decide d'andà à scuntrà u ziu
Ranficatu
Si ne và
S'apre l'usciu
U ziu ùn lu ricunnosce micca
Ma ellu lu ricunnosce
È dice
"Salute o ziu Ranfì"
È li torce u collu
È fù scapatu
In Bastia
Dopu si manghja una duzina di figatelli
È si fumà una sigaretta.
D'appress'à "Le retour au pays" de Jacques Prévert