Natu in un vangaronu
Sminticatu è da tutti
Nimu codda i me frutta.
Ùn saria tantu mali
D’essa solu è sminticatu
Com’è u cristu inchjudatu
Da lu ponti sogu piattatu.
Senza mancu fighjulà
Senza mancu dumandà
Una mani svargugnata
Di me volta una macagna.
Tanti stracci sò lampati
I ricevu à pugnati
U mulizzu hè svaccatu
Sò cupartu à saccati.
Ùn saria tantu mali
D’essa cussì imbrutatu
Ma in tempu di sicchina
Ancu l’acqua hè mischina
Pocu arba micca muscu
Di malani sò vistutu
Ùn mi ferma in 'ssa vita
Ch'è à campà bruttu è tristu.
Sì tù veni in i me loca
Ti dumandu una grazia
D’ùn ghjittà li to attrazzi
Chì ghjeu sutt’à stu ponti sogu natu.