Nè l’urganu nè a prighera i defunti
Ondec’anni digià, ondec’anni à fiaccà
Aviate adupratu le vostre palle è armi
A morte ùn acceca, l’ochji d’i partigiani
I vostri li ritratti, in carrughj’è cità
Barbicciulati neri, minaccienti è scuri
L’affissu chì sembrava, di sangue bellu untu
È chì, à mintuvà li, i nomi ghjustu à puntu
Circava à dà u siscu, à a ghjente à passà
E matine affanose, ne eranu sfarente
Tuttu avia culore, di nivaghja nascente
Tandu à l’ultime stonde, di ferraghju faccente
Disse unu di voi, pianu è calmamente,
Felicità à tutti, quelli ch’anu à campà
S’o morgu hè senz’odiu, per u populu avà
D'appress'à "L'affiche rouge" di Louis Aragon