Avale tutt'i ghjorni sò boni
Quandu chì omu hè per sparì
In la so quarta stagioni
S'aprezza l'aria per i pulmoni
A luce chì trapana a vetrata
Avale tutt'i i ghjorni sò boni
Più di vint'anni sò pensiunata
Facciu parte di e purmammoni
Miru u cele hè un splendore
Avale tutt'i i ghjorni sò boni
In casa si passanu l'ore
Si guarda à chì passa à chì vene
Pesu di l'anni nant'à l'ermoni
Ogni ghjorni face avvene
Avale tutt'i i ghjorni sò boni
Un libru per cumpagnia
Chjodu l'ochji vecu i foconi
Incesi incù a parentia
Avale tutt'i i ghjorni sò boni
Per ritruvà visi è tizzoni
Mi scaldu à questa l'edea
Avale tutt'i i ghjorni sò boni
Nu core colla alta marea
Sò anni ch'ùn pigliu decisioni
Ne campu cum'è di ribattula
Avale tutt'i i ghjorni sò boni
Ne so cum'e a barabattula
Si stanu in st'anni passatoni
I penseri incù i prugetti
Avale tutt'i i ghjorni sò boni
"Per campà o ciù ùn aspetti"