Leandri marie - Saveriu


A puisia hè unu sguardu
Sacralità d’ogni cosa
Ochji d’acqua di l’Essa
Nudità di l’anima
Hè dinò a cuscenza
Di stu mumentu ch’andò
Quandi a to boci
Pianamenti è bè
Cuntaia a to passioni
Pà sta tarra
Sacralità d’ogni cosa
U soli capiciutaia
In un tempu
Ch’ ùn hè più
Sacralità d’ogni cosa
Ùn avii primura
Di a cativezza 
di i viaghji vani
Un pocu di tarra toia in i  to mani
Valìa tuttu l’oru di u mondu.
Ti capiscu
Chì bidezza chè tu a in u to cori
Sta dignità d’essa tè stessu
O ancu quissu ch’eddu  ti pari d’essa
Chì ti possu dì di più.