In ogni pettu è pughjale
Fatti da l’omi lione
Di Lozzi è di l‘Acquale
Sarrende indu i rughjoni
È versure di u lucale
Muri intornu à chjuselli
Orti, castagneti è prese
Ancu di a tarra puntelli
Riginti di loche difese
Opera di li mo antichi
Di lu mo caru paese
Petre è cugnole ammurate
Incù passione da lu pastore
Fruttu di tante operate
Di fatica è di sudore
Videndule in tarra falate
Spessu mi trema u core
Muri longhi imbarrittati
E cunfine anu arrivintu
Eppo sò ancu cullati
Guasi sinn’à Monte cintu
À i stazzi innalpilati
Di li pastori ammuntagnati
Eranu tantu maneschi
I mei per fà muraglia
Ma un ghjornu l’anu peschi
È mandati hà fà battaglia
Quallà, sò morti guasi tutti
Sottu à un focu di mitraglia
Dopu tamante disgrazie
Sò mancate mane e bracce
È dipoi indu e cuntrate
Luzzinche è Acqualacce
Ùn s'hè più fattu murate
È e loche sò abbandunate
Cunnoscu bè e murate
Di li mo antichi ginitori
Spessu l’aghju ancu saltate
Da zitellu à corri corri
Ma oghje s’ell’ùn sò e fate
Nimu ùn li face l’onori
À tè chì tantu spasseghji
È pigli ancu qualchì chjassu
Vularia chè tù fideghji
In accurtendu lu to passu
Incù attinzione è primura
Isse vistiche d’una cultura
Vechji muri in petra secca
Mimoria di l’antenati
N'aghju à canella stretta
Quandu i vecu scalaghjati
V
Chì per noi sò sacrati..
ulia ch’ella fussi detta