Testimoniu di valore
Per difende sì custruita
È privene di l'invasore
Di petre sì cuncipita
È porti cù ardore
A richezza è a ferita
D'un populu in furore
Di fronte à l' acqua salita
À spià u traditore
Per impedì ogni lita
Di pone u terrore
A to statura sculpita
Sente sempre lu sudore
D'un armata di vita
Senza maì un timore
A battaglia ùn hè finita
È preghi à u signore
D'esse sempre riverita
È di vince per ùn more...