U so soffiu s’hè spentu
In silenziu ci hà lasciatu
Chì dulore è chì scumpientu
Hà persu a so battaglia
Contru un falsu paladinu
Hà lasciatu à so famiglia
Chì l’hè sempre stata vicinu
L’avemu tutti cunnisciutu
Sempre cuntentu è tarucconi
Ma avà l’avemu persu
Cappellu neru è mustaccioni
Dipoi u tempu s’hè fermatu
Pare à mè un bruttu sognu
Questu omu onestu è stimatu
Hà fattu un viaghju senza ritornu
Pianu pianu si n’hè andatu
Senza frastornu nè lamentu
In silenziu ci hà lasciatu
Hè finitu u so turmentu…