A puesia hè cum'è l'acqua
Hè cum'è l' acqua viva
Quand'ella corre à mezu
Unisce duie rive
Quand'ella ùn corre più
Duie labbre sò in sicchia
Letizia:
Duie labbre sò in sicchia
Quella di l' amore
S' assumiglia à a malavia
À infiarà u core
Una rima per magia
À imbulighjà lu sudore
Patriziu :
U sudore pell'à pelle
Imbuleghjanu i vulè
Dui versi duie voglie
Canterine di piacè
Per pudenne fanne una
Chì s'assumigliess'à tè
Letizia :
À tè o a to andatura
Scriveraghju à più pudè
Puesia di misura
Per andà senza sapè
Chì ancu ind'è a bughjura
À induvinà lu to parè
Patriziu :
È pocu impreme sta rima
Duv'ella ci purterà
A ci teneremu in core
Finchè a strada anderà
Cum'un ricordu preziosu
Un stalvatu per andà...