Si sente parlà di pueta
Chì mai ùn sò stati zitti
Musa mai ùn stà cheta
Da li più anziani scritti
Si canta in puesia
E storie d'eroi feriti
E nanne, i canti d'allegria
D'inguernu o d'istate
Cù li to versi in puesia
Cù la to voce cusì beata
E serate sò d'allegria
È si Lascia andà
Libaru in u so pinsà
Li tocc'à impruvisà
Li piace à puetà
Suvità vogliu i to passi
È in rima cusì sia
È francà avà u passu
Di scrive in puesia
Di libertà o d'amore
Tante parolle venen'in core
Per a mio musa cusì schieta
Vogliu oghje esse pueta