Weber ghjuvan micheli - U soli

U soli si ciotta à l'ora
Di u silenziu chì ci scherza
Arrussisci drentu è fora
Di a so luci spapersa
À mezu mari và par mora
Com'è una spera... persa

Di u soli annigatu
Nasci a notti fonda è scura
Di u populu nigatu
Di l'omi senza cultura
È i maestri di schiavitù
Sbagliani a ghjuvintù

Ma spunta lu novu albori
È lu soli scaccia a notti
Ci ramintemi i valori
È tutti l'anziani lotti
Tandu rinasci sta spera
Chì ci porta sin'à a sera...