Hè fatta solu d’Amore
Per truvà un’altra manu
Ghjorn’è notte ellu corre
Pò girà u mondu sanu
Bramendu lu so calore.
Ùn ci hè più grande furtuna
Nè tesoru più stimatu
Chè una vita cumuna
Pè u sempre cù l’amatu
Cum’ella hè dolce sta funa
ChÌ lega l’innamuratu
St’amore à tutti tocca
Da i vechji à i zitelli
Li mette a risa in bocca
È scimisce i cerbelli
In sta bella filastrocca
Ci volenu esse anch’elli.