so intrapulatu in i so fil di farru
si stracciani à pezzi i me spiranzi
in 'ssu fumaciali neru
è m'intona u me cappu
sbatuleghju in 'ss'odiu umanu
ma ùn mi scurdaraghju mai
m'appiccicu à u me soniu
i me piani secchi tant'è più
cugliareni u me sangui
sta volta
l'aghju varcata
a fruntiera
bulu incù l'acceddi bianchi
ancu da qui
i sentu sempri i soni di a so festa
è 'ssa risa mi tomba
ma
l'avarani aghjà sminticatu
eddi
l'odiu
ùn si ramentarani più
edd'i tinti
ùn si ramentani più