Quandu i pidochji ci fecenu festa
mai si pensava pas chì fussi una pesta
per noi zitelli custretti à grattà, grattà, grattà...
L'insettu minutu ùn hè imbecille
ci fece la mossa è ghjunsenu mille
per noi zitelli custretti à grattà, grattà, grattà...
Ne fù accertatu l'invadiu arditu
di fà bonu pranzu, ne era famitu
di noi zitelli custretti à grattà, grattà, grattà...
Quandu da tundosa fù chjocca pilata
pulitica detta di terra brusgiata
per noi zitelli più nunda à grattà grattà grattà...
Era senza cuntà chì mai ùn si tonde
capi feminili di brune o di bionde
è tandu e zitelle custrette à grattà grattà grattà...
Populu pidochju hà trovu l'alloghju
in cirmuli zeppi, bellu capatoghju
per tutte e zitelle custrette à grattà grattà grattà...
È tandu capellu maschile hà crisciutu
per ch'ellu tramuti pidochju astutu
inde noi zitelli turnati à grattà grattà grattà...
Ma dapoi tandu pidochju riposa
ne fù inventata à Maria Rosa
è finì cusì guerra piduchjosa
per noi zitelli più nunda à grattà grattà grattà grattà !