'Ssu tempu andatu,
Par via di u to passatu
Ci vurria à rinviviscia
Luccicanti à cuscenti
In lu mondu la paci
Ogliastredda bedda è
liscia
I to loca ingrandati.
In la conca ll'i bacina
Intricciati li Zimbina
D'oliu muscatu è finu
À lu fragnu imbalsamatu
Ci si campa lu divinu
È po smarra lu cantu
Quandu c’hè Zi Pauleddu
Chì n’hè ghjuntu pian
pianeddu
Cù rispettu à li vivi
Crucetta appesa à santa
À la branca di l’alivi
Pasqua di biancu vistutu
Ci metti lu cori in
gioia
È ci nasci l’aligria
À la puccena 'ssu ghjornu
Ùn ni manca manc’unu
Tutti insembi adduniti
Si ni vanu in campagna
Manu in manu arditi
À buscassi un locu
D'’arba frisca cuccagna
Com’è quì ùn si ni trova
indocu
Una petra tistimonia
d’un tempu fà
Ogliastredda brusgiata
d’una mani ceca di putenza.
Ma di puteri ti pudaria
piantà
Tù amicu di 'ssa morti
Maldicenti di sapè
Chì in celi ùn avarè più
visu umanu
Tandu siccaranu li to
torti
È no andaremu più
luntanu
Strascinendu com’è un
pesu a noscia suffarenza
Nant’à quidda strada di
pisenti piacè.