S’arripicca u celu à e sponde di mare
Pare una pittura fatta à l’ochju d’artistu
S’arremba u sole in una festa di fiare
À a muntagna lucente cù l’estru egoistu
Eppoi s’infiaranu l’abbissi suprani
Pare di focu u suffittu di l’universu
In un cantu silenziosu ci apre e mani
A bellezza prufonda cù u so versu
À ogni sera l’eternità quì ci s’affacca
Arripichendu si l’estru d’un pueta cuntentu
È si a musa chì li parla ùn hè fiacca
Tornerà à contà di a natura u talentu