Fatti vene in lu to santuariu
Falli onore, ùn dì : "a feraghju"
Per dì, anigra u paginariu
Fanne un celu abbughjatu .
Incù a punta d'acciaghju
Scrivi lu to ordinariu
Pinziva da acu stamaghju
Da ziricà l'imaginariu.
Di triscu sempre in allegria
In la to vita, vuluntariu
Apri chjassu o larga via
Di tè maestru è sacretariu.
Ne sì st'animale afflittu
Sia dinò viterinariu
Per chì omu ferma arrittu
Simu u nostru peghju aversariu.
Perchè fassi tantu male ?
Esse di sè cusì cuntrariu
Quantu ci vole in zucca sale
Da esse seriu , ghjota st'armariu.
U nemicu in tè chì s'aguatta
Dice "Sì pocu nicessariu "
Tandu u capu ellu s'adatta
Per ghjacine nu u stravariu
Ma discitassi una matina
Sempre prontu da legiunariu
Impunendusi una disciplina
Hè l'unicu vucabulariu
Quindi ogni ghjornu cunvene
Chì penseru di u calendariu
I lagni sì morti incù e pene
Si lotta contr'à sè, sulidariu
Per ùn esse falzu tale ciuta
Incù sè stessu, ma salutariu
Galant'omu hè à chì s'aiuta
Incù la so mente, unitariu.