Solinas - U riloghju

Ti lacu la me penna
Chì annigrisci stu fogliu
Quand'ella si scatena
In un stuppu d'urgogliu
Quilla chì s'infiara
In un tremulu di tarra
Quilla chì si taci
A prò di a santa paci

Si pesa avà lu ventu
Chì si porta tuttu què
Si pesa avà lu ventu
Ed hè ancu propiu bè...

Ti lacu issu quaternu
Cù tutti li me sonnii
Un suppulu d'impegnu
È ancu li me dimonii
Ci stani qualchì rima
È un pò di li me versi
Un'oncia di stima
Pà li me dii persi

Si ne fughji avà lu tempu
O tamantu capatoghju
Si ne fughji avà lu tempu
È piglia ancu issu riloghju...